Mundaı aqparatty Almaty qalasynyń Óńirlik komýnıkasıalar qyzmetinde ótken brıfıń barysynda Almaty qalasy Jumyspen qamtý jáne áleýmettik baǵdarlamalar basqarmasynyń basshysy Meıirjan Otynshıev málimdedi.
Meıirjan Batyrbekulynyń sózine súıensek, úshinshi baǵyt – halyqty jumyspen qamtý kómegi arqyly eńbek naryǵynyń damýy turaqty jáne ýaqytsha jumys oryndaryna jumysqa ornalasýǵa járdemdesýdi qarastyrady.
2017 jyly jumyspen qamtý sharalarymen 34 708 adam qamtyldy, sonymen qatar turaqty jumys ornyna 14 975 adam, ýaqytsha jumys ornyna – 5 286 adam ornalasty.
Jastarǵa járdemdesý sharalarynyń biri jastar is-tájirıbesi bolyp keledi. Bitirgen mamandyǵy boıynsha tájirıbe jınaqtaý úshin jastar is-tájirıbesine 29 jasqa deıingi túlekter oqý aıaqtaǵannan keıin 3 jyl aralyǵynda jiberiledi. Jastar is-tájirıbesine ornalasqan tulǵalardyń jalaqysy 18 AEK-ten 25 AEK-ke deıin ulǵaıdy, bul – 60 125 teńge jáne ol búdjet qarajatynan tólenedi. Sondaı-aq barlyq qajetti salyqtar (kiris, zeınetkerlik, áleýmettik salyqtar) alynady.
Odan basqa, jumyssyzdar qoǵamdyq jáne áleýmettik jumys oryndaryna jiberiledi, jalaqylary búdjet qarajatynan nemese jumys berýshilerdiń qarajatynan tólenedi (QJO – 2 MZP nemese 56568 teńge, ÁJO –1 MZP dan kem emes nemese 28284 teńge).
Anyqtama: QR «Halyqty jumyspen qamtý týraly» Zańyna sáıkes ýaqytsha jumys ornyn qurǵan kezde turaqty jumys oryndarynyń bos oryndary qoldanyla almaıdy.
2018 jylǵy 10 qańtardaǵy «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Qazaqstan halqyna Joldaýynda Elbasy Nursultan Nazarbaev halyqtyń ómir súrý sapasyn jaqsartý boıynsha máselelerdi talqylady. Ol jumyspen qamtýdyń sapalylyǵyna jáne áleýmettik qamsyzdandyrý júıelerine jeke toqtaldy.
Almaty q. jumyssyzdar men ózin-ózi jumyspen qamtyǵandardy barynsha qamtý maqsatynda, 2018 jylǵy Joldaýdy oryndaý boıynsha aǵymdaǵy jylda 2017-2021 jj. arnalǵan Nátıjeli jumyspen qamtý jáne jappaı kásipkerlikti damytý baǵdarlamasyn júzege asyrý jalǵastyrylady.
Osyǵan baılanysty 2018 jylǵa arnalǵan Almaty qalasynyń halyqty jumyspen qamtý Keshendi jospary óńdelip, bekitildi, soǵan sáıkes 32 myń adamdy jumyspen qamtý, onyń ishinde, memlekettik qoldaý sharasymen 7760 adamdy qamtý josparlanǵan. (áleýmettik jumys oryndaryna – 960 adam; jastar is-tájirıbesine – 800 adam; qoǵamdyq jumys ornyna – 2300 adam; kásibı oqýmen qamtý – 3500 adam; shaǵyn kredıttermen qamtý – 150 adam; 100 AEK-ke deıin grant berý – 50 adam).
Sonymen birge, 2018 jylǵy Joldaýdyń mindetteriniń biri Eńbek jáne halyqty áleýmettik qorǵaý mınıstrliginiń saıtyndaǵy enbek.kz atty elektrondy «Eńbek bırjasynyń» keńeıtilgen formatyn engizý, bul saıtta jumys berýshiler ózderi bos jumys oryndaryn ornalastyra alady, jumys izdeýshiler ózderine kerekti jumys boıynsha aqparat bile alady (2017 jylda elektrondy eńbek bırjasy kómegimen 4,4 myń adam jumysqa ornalasty, 1,1 myń adam túıindemelerin engizdi) , - dep habarlady basqarma basshysy Meıirjan Batyrbekuly.
